တောင်သူများဒေသအလိုက် စိုက်ပျိုးလျှက်ရှိသော စိုက်ပျိုးနည်းစနစ်များကို လေ့လာသုံးသပ်၍ ပိုမိုကောင်းမွန်သော စိုက်ပျိုးနည်းစနစ်များအား စမ်းသပ်ဆောင်ရွက်ခြင်းဖြင့် ထုတ်လုပ်မှုနှင့် အကျိုးအမြတ်တိုးတက်ရရှိကာ ဒေသအလိုက် ရာသီဥတုပြောင်းလဲမှုဒဏ်ကို ခံနိုင်ရည်ရှိသော ရေရှည်တည်တံ့ခိုင်မြဲသော စိုက်ပျိုးနည်းစနစ်များပေါ်ထွက်လာစေရန်။

ဒေသအလိုက် ရာသီဥတုပြောင်းလဲမှုနှင့်ကိုက်ညီပြီး ရေရှည်တည်တံ့ခိုင်မြဲသော စိုက်ပျိုးနည်းစနစ်များ ရရှိလာမည်။

ရေရှည်တည်တံ့ခိုင်မြဲသော စိုက်ပျိုးနည်းစနစ်များပြောင်းလဲမှုကျင့်သုံးခြင်းဖြင့် တောင်သူများဝင်ငွေတိုးတက်လာမည်။

စီမံကိန်းမှ စနစ်တကျလေ့ကျင့်ထားသော စွမ်းဆောင်ရည်ပြည့်ဝသည့် တိုးချဲ့ပညာပေးရေး ပညာရှင်များရရှိလာမည်။

စီမံကိန်းဆောင်ရွက်ခြင်းဖြင့် ရေမြေဒေသ ရာသီဥတု ကွဲပြားခြားနားသည့် ရှမ်းပြည်နယ်နှင့် အပူပိုင်းဒေသရှိ တောင်သူလမ်သမားများ၏ စားနပ်ရိက္ခာဖူလုံမှုကို တိုးတက်မှု ရရှိစေမည်ဖြစ်ပါသည်။

စီမံကိန်းဧရိယာအတွင်း ရာသီဥတု ပြောင်းလဲမှုဒဏ်ကို ခံနိုင်ရည်ရှိသောမျိုးနှင့် စိုက်ပျိုးနည်းစနစ်များ ပြောင်းလဲကျင့်သုံးလာခြင်းဖြင့် ရေရှည်တည်တံ့သေသာ စိုက်ပျိုးရေးကို ဖော်ဆောင်နိုင်မည် ဖြစ်ပါသည်။

ပြည်တွင်း ပြည်ပမှ နည်းပညာများနှင့်အတွေ့အကြုံများဖလှယ်ခြင်းဖြင့် ပိုမိုကောင်းမွန်သော နည်းစနစ်များ ကျင့်သုံးလာနိုင်မည်ဖြစ်ပါသည်။

စီမံကိန်းဝင် တောင်သူများနှင့် အနီးပတ်ဝန်းကျင် တောင်သူများ အချင်းချင်းဆွေးနွေးပွဲများ ပြုလုပ်ပေးခြင်းဖြင့် ရလဒ်ကောင်းများ ပြန့်ပွားဆောင်ရွက်နိုင်မည် ဖြစ်ပါသည်။

ပိုမိုကောင်းမွန်သော ရေရှည်တည်တံ့ခိုင်မြဲသည့် စိုက်ပျိုးရေးနည်းစနစ်အား စိုက်ပျိုးရေးဖွံ့ဖြိုးတိုးတက်မှု မူဝါဒများရေးဆွဲရာတွင် အထောက်အပံ့ဖြစ်စေမည် ဖြစ်ပါသည်။